ابوذيات الشاعر الشطري
¤حســـــــــين صـــــــــالح¤


أنه ابيض والليالي...
[عتمني]
وخسرت أجمل شبابي...
[عتمني]
حبيبي الچان يمي...
[عتمني]
الوكت لمن كطف ظيمه عليه.
¤¤¤¤¤¤¤¤¤¤¤¤¤¤
عشكتك عشك دايم...
[ماهوآني]
وكلبك اضن عمدا...
[ماهواني]
علي كمت آنا ادور...
[ماهوآني]
ضعت بلكي تجي ادور عليه
¤¤¤¤¤¤¤¤¤¤¤¤¤¤
على جفاك النوايب...
[حته مني]
وأغار عليك صدك...
[حتى مني]
ولا أمل البقه عندي...
[حته أمني]
بين الدهر دكاته الرديه
¤¤¤¤¤¤¤¤¤¤¤¤¤¤
الف شاطي الدره بضيمي...
[والف راك]
وغرامك فك جرج كلبي...
[والفراك]
وعلي من أذكر ايامك...
[والفراك]
اكول شوايت الله على المنيه
¤¤¤¤¤¤¤¤¤¤¤¤¤¤
يجفي بالوفر حليت...
[شصك]
ولاشكك لهات البين...
شصك]
سرداب الجرح شتروف...
[شصك]
وجنازه الملح مدفون بيه.
¤¤¤¤¤¤¤¤¤¤¤¤¤¤
بعسر غير النوايب...
[فاتحتمن]
وسهم غدرك بكلبي...
[فاتحتمن]
كتلتني وجاي تنشد...
[فاتحتمن]
ولاجنك رحت جناز بيه 
¤¤¤¤¤¤¤¤¤¤¤¤¤¤
يدهري شبيك تركض ركض...
[شدج]
على روحي بيوم صحت انكطع
[شدج]
صرت منخل من الطعنات...
[شدج]
وأغربل بس خناجر تدري بيه.
¤¤¤¤¤¤¤¤¤¤¤¤¤¤
سجاجين الوكت بعداي...
[بردان]
حزني وصرت بالصيف...
[بردان]
صرت مجبور اشد ردان...
[بردان]
ولامد للشماته جفوف إيديه
¤¤¤¤¤¤¤¤¤¤¤¤¤¤
مو معدن صفر معدنك...
[صفرين]
وهذي رسوم وجه عليك...
[صفرين]
كلت واحد وأنا مو صفر...
[صفرين]
عد يمناك حطني تصير ميه
¤¤¤¤¤¤¤¤¤¤¤¤¤¤
المثلك كون يعرف قدر...
[نفسه]
وصديج النافسك بالخير...
[نافسه]
إذا الصخره بلال أكطعت...
[نفسه]
تره الصخره بثكل وجهك عليه
¤¤¤¤¤¤¤¤¤¤¤¤¤¤
رخه جسمي عله مودك...
[من رخصتك]
واسومن بيك غالي...
[من رخصتك]
دست فوكي دكلي...
[من رخصتك]
حته براحتك تسحك عليه
¤¤¤¤¤¤¤¤¤¤¤¤¤¤
جرحك لابره ولادار...
[حوله]
بدليلي ومن ايديك الشرك...
[حوله]
الدهر ينظر عليه بعين...
[حوله]
سلب روحي وطلع مشتبه بيه值塉䕔彌䵍彉䉅住彋〲㔰㈾5